Ujian Allah

Jamaah jum’ah rahimakumullah

Sumangga urang taqwa ka Allah ku taqwa nu saestuna, taqwa dina hartos taat kana parentah Allah sarta nebihan larangan Allah Taala, margi mung ku taqwa nikmat bakal nambahan,kasangsaraan bakal sirna,karupek,kasulit bakal aya jalan kaluarna,oge rijki bakal datang ti arah nu teu disangka-sangka.Ku taqwa sadaya urusan bakal karasa hampang,pahala ngalipat ganda,dosa-dosa bakal dihampura ku allah taala.

Allah ngadawuh dina surat At-Talaq ayat 3 sareng  5 nu hartosna :

Jeung anjena allah bakal maparin rijki ka manehna tina jalan nu teu disangka-sangka,lantaran sing saha jalma nu tawekal ka allah,nya anjeuna nu nyumponana,saestuna allah nu ngalaksanakeun urusanana,saestuna allah geus netepkeun papasten pikeun sagala perkara.

Eta hukum allah anu ku anjena diturunkeun pikeun maraneh jeng singsaha nu taqwa ka allah,tanwande anjena mupus kasalahana,jeng anjena bakal namabahan ganjaran ka dirina.

jamaah jum’ah rahimakumullah

Saniskara perkara nu kajadian di alam ieu tos aya katangtuanana,patokan atawa katetepana,ku hal eta teu aya hiji perkara oge nu ngeser atawa nyimpang tina naon nu tos ditetepkeun ku Allah SWT,Allah tos netepkeun taqdir ka skumna mahluk tikawit 50 rebu tahun samemeh nyiptakeun langit jeung bumi,sakumaha dawuhan rasulullah saw :

Kataballohu makoodirol holaaiki qobla ayyahlukossamaawaati wal ardi bihomsiina alpa sanah.

Allah tos netepkeun taqdir sakabeh mahluk 50 rebu taun samemeh nyipta langit jeung bumi.

Dina hal ieu maka wajib pikeun sakabeh manusa pikeun iman kana taqdir allah hade atawa goreng, mung Allah nu ngabagi rijki,nu nyiptakeun kahirupan oge ajal eta sadaya pikeun nguji hambana,nangtukeun naha sihamba kaasup nu bagja atawa nu sangsara nalika di dunya,mung Allah nu netepkeun ajal hiji hamba,oge mung Allah nu nangtukeun pitempatan si hamba jaga naha di surga atawa di naraka.Eta sadaya dumasar kana iradah Allah SWT.

Salajengna,sakumaha nu katitenan ku urang oge kaalaman,rehna manusa hirupna di dunya moal suwung tina kabingung moal suda tina kasusah,saestuna ieu the ujian nu bakal teras aya,sakumaha Allah SWT tos ngadawuh  dina surat Albaqoroh  ayat 155 :

Jeng saestuna allah bakal maparin cobaan  ku kasieun,kalaparan,kakurangan harta,jiwa  sarta buah-buahan, maka bere beja berita gumbira ka jalma nu sahalabar.

Hikmahna nayeta pikeun ngabedakeun antara jalma nu bener jeung nu bohong dina ngaku imanna ka allah swt,

Ku ayana cobaan maka hiji hamba bakal apal kana dirina sareng hakekat kaimanana,hiji hamba teu bisa kitu bae ngaku iman samemeh ayana ujian atawa cobaan,naha eta hamba bisa atawa mampu bertahan, atawa sabar nalika mayunan eta cobaan/ujian ?

Allah bakal masihan ujian/cobaan  ka jalma mumin lain ngarupakeun siksa,atawa azab tapi ujian/cobaan allah ka jalma mumin ngarupikeun tarbiyah sarta nuduhkeun yen allah nyaah ka hambana,bentukna  ujian atawa cobaan bisa mangrupa ku perkara nu hade atawa nu goreng.

Jamaah jumah ra

Saparantosna urang faham rehna yen dunya pinuh ku ujian maka sumangga urang nyiapkeun diri samemeh eta cobaan bener-bener datang ka urang,sahingga urang sanggup mayunan eta ujian/cobaan,urang kedah yakin saestuna ujian/cobaan bakal aya ahirna,tinggal kumaha sikep urang mayunan sarta nandangan eta ujian/cobaan, naha urang bisa sabar sarta tawakal atawa berkeluh kesah,rumahuh sareng putus asa, nu utami ulah dugika ku ayana beratna ujian/cobaan ngakibatkeun lisan urang cilaka atawa ngakibatkeun diri urang binasa, ulah dugika ku datangna cocoba ngajadikeun diri urang lalai kana nikmat nu tos dianugrahken ka diri urang,padahal nikmat allah sakitu agengna,sadayana tos dipasihkeun ka urang tikawit urang medal ka alam dunya dugi ka danget ieu,oge tos samistina urang emut kana pahala nu berlipat ganda mung  dicawiskeun ka jalma-jalma nu sabar nalika narima cocoba.Ku ayana cobaan/ujian darajat hiji hamba bakal ningkat, sagala dosa-dosana bakal dihampura,pahalana bakal ngalipat ganda,tangtosna saupami urang tetep yakin,shabar oge tawakal oge ridha dina mayunan eta ujian atawa cobaan.

Cobaan datang kasaha bae,bahkan ka para Nabi,

tingali kumaha ujian allah ka nabiyulah Adam AS nalika kedah kaluar ti surga,padahal adam as tos lami calik di surga,titenan kumaha diujina nabi ibrohim nalika diduruk ku kaumna,oge sumangga uningaan kumaha ujian allah ka anjena nalika kedah mergasa putrana,kumaha ujian allah ka nabiyullah ayub as ku panyawat nu kacida beratna,kumaha ujian Allah ka nabi Yusup As nalika dipenjara alatan fitnah nu kacida lamina,kitu oge ujian allah ka nabi muhamad saw nalika dakwah ditengah kafir quraisy nu kacida pibahayenana,maka leres pisan pidawuhna “ sing saha nu bakal dianugrahken kahadean ka hiji hamba,tinangtu Allah bakal mere cobaan ka eta hamba.

Pada akhirna kaayan atawa nasib hiji jalma bakal robah,oge bakal aya perubahan,jalma nu bagja nyaeta jalma nu senantiasa mampu ngajaga kataqwaanana ka Allah SWT,sok sanajan diuji /dicoba ku berbagai musibah,ku hal eta sumangga urang jaga kataqwaan urang dina setiap kondisi,dina tiap kesempatan,

teu aya hiji karupekan mun teu aya jalan kaluarna,moal aya panyakit mun teu aya landongna,mung tilu hal nu kedah diamalkeun nyaeta tawakal kana naon-naon hal nu can kapimilik,ridho kana naon hal nu tos nyampak dina diri ,oge shabar kana naon hal nu teu kapimilik.

Aquulu qouly hada,

Khutbah Perdana disampaikan

di Masjid Jami Nurul Falah

31 Juli 2009

Belajar Khutbah..