Dialog Rasullah SAW vs Iblis La'natullah

اَلْحَمْدُ لِلَّهِ الَّذِيْ كَانَ بِعِبَادِهِ خَبِيْرًا بَصِيْرًا، تَبَارَكَ الَّذِيْ جَعَلَ فِي السَّمَاءِ بُرُوْجًا وَجَعَلَ فِيْهَا سِرَاجًاوَقَمَرًا مُنِيْرًا. أَشْهَدُ اَنْ لاَ إِلَهَ إِلاَّ اللهُ وأََشْهَدُ اَنَّ مُحَمَّدًا عَبْدُهُ وُرَسُولُهُ الَّذِيْ بَعَثَهُ بِالْحَقِّ بَشِيْرًا وَنَذِيْرًا، وَدَاعِيَا إِلَى الْحَقِّ بِإِذْنِهِ وَسِرَاجًا مُنِيْرًا. اَللَّهُمَّ صَلِّ عَلَيْهِ وَعَلَى آلِهِ وَصَحْبِهِ وَسَلِّمْ تَسْلِيْمًا كَثِيْرًا. أَمَّا بَعْدُ؛، يا أيها الذين آمنوا اتقو الله حق تقاته و لا تموتن إلا و أنتم مسلمون.  

Hadirin Jamaah sholat Jumat rohimakumulloh

Dina kasempetan ieu sumangga urang taqwa, oge urang neda sangkan diri senantiasa tunduk ka Alloh sahinggga urang tiasa nebihan sagala hal nu dilarang Alloh SWT. Maka saga puji eta mung kagungan Allah, Sholawat sinareng salam eta tetep terlimpah ka baginda Rosulullah SAW,Khotib wasiat ka diri, ka hadirin sadaya sumangga laksanaken taqwa,mugia eta taqwa jadi bekel urang di dunya tur di aherat jaga.

Hadirin Jamaah sholat Jumat rohimakumulloh

Saestuna dina tiap renghap nafas, fikiran, sareng amal perbuatan nu dilakukeun ku urang, eta kabeh moal lepas tina panggoda,hahalang jeung rintangan nu di haja di lakukeun ku musuh manusa nyatana iblis la’natulloh sangkan manusa jadi baturna jaga dina naraka, manusa terus digoda sangkan jauh tina tujuan nu lempeng.Hal ieu memang geus jadi tugas na sangkan sakabeh manusa jauh tina rahmat na Alloh SWT, maka dimana manusa jauh tina rahmat Alloh maka manusa bakal dijauhkeun tina syurgana Alloh. Diterangkeun dina Surat Shad ayat 7 Alloh ngadawuh :

قَالَ فَاخْرُجْ مِنْهَا فَإِنَّكَ رَجِيمٌ (77) وَإِنَّ عَلَيْكَ لَعْنَتِي إِلَى يَوْمِ الدِّينِ (78) قَالَ رَبِّ فَأَنْظِرْنِي إِلَى يَوْمِ يُبْعَثُونَ (79) قَالَ فَإِنَّكَ مِنَ الْمُنْظَرِينَ (80) إِلَى يَوْمِ الْوَقْتِ الْمَعْلُومِ (81) قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82) إِلَّا عِبَادَكَ مِنْهُمُ الْمُخْلَصِينَ (83)

Maka kaluar anjeun hei iblis ti ieu syurga, saestuna anjen mahluk nu dila’nat,jeung eta la’nat eta tetep nepika datangna kiamat. Iblis nyarita “Duh Gusti pangeran abdi , paparin abdi waktu dugika dongkapna eta dinten…Alloh nimbalan “ Heg anjeun ku kami dib ere tempo.. nepika datangna poe kiamah. Iblis ngajawab deui “ Demi kakawasaan anjeun abdi bakal nyasarkeun sakabeh manusa, kecuali jalma-jalma nu ikhlas.

Hadirin Jamaah sholat Jumat rohimakumulloh

Diriwayatken ku Muadz bi Jabal RA, Allah SWT marentahkeun ka Iblis sangkan mendakan Kangjeng rasulullah di hiji tempat, dina hiji dialog antara Iblis sareng Rasulullah, dicarioskeun iblis nyarita yen dirina diparentah ken Allah supaya mendakan Kangjeng Nabi kalayan maksud sangkan umatna Rasulullah uninga kumaha tipu dayana, godaan sarta strategi Iblis dina ngajalankeun tugasna,. Rasululullah naros hei iblis saha nupaling dipikabenci kuanjen. Iblis ngajawab aya 7 manusa nu ku kami dibenci nyaeta:

• Diri anjen Muhamad.
• Umat nu turut tumut kana ajaran anjen
• Budak ngora nu resep ibadah bari taqwa
• Jalma alim nu wara’ nu ngajaga dirinana tina perkara syubhat.
• Jalma nu senantiasa nu ngajaga wudhu.
• Jalma miskin nu sabar (Nyeta nu tara nyaritakeun kasusahna lewih ti 3 poe).Sabab kaula apal mun aya jalma muskin resep nyaritakeun kasusahnaka jalma sejen lewih tilu poe maka Allah teu ngajadikeun eta hamba sebagai jalma nu shobar).
• Jalma benghar Nu resep syukur, nyaeta jalma benghar nu hartana dibenangkeun ku cara halal oge dibalanjaken nana oge dina perkara halal.Kami benci jeng ambek ka 7 jalma nu saperti eta.

Rasulullah Nimbalan Hei abu murrah la’natullah, anjeun bisa nyilakakeun ka umat kaula, ngaruksak diri jeng kahurmatan sarta martabat umat kaula, kami oge hayang apal naon nu matak ngancurkeun diri anjen, nu matak nyilakakeun ka diri anjen.dina jawabana Iblis nyebutkeun 5 perkara :  

1. Kaula ngarasa panas jeng ngageter nu hebat nalika umat anjen sholat.Sabab kami apal nalika aya hiji hamba nu sholat, satiap sujudna Maka Allah ngangkat darajatna nu sadarajat.
2. Kaula kabengket jeng kabarogod nalika umat aranjen shaum, nepika aranjena buka.
3. Kaula jadi sasar jeng gelo nalika umat aranjen ngalaksanakeun ibadah haji.,.
4. Awak kaula ancur jeng leeh saperti timah nalika umat-umat anjen maraca qur’an.
5. Awak kami belah jadi dua saperti diragaji atawa dicacag kampak, nalika umat-umat anjeun ngaluarken zakat, Sabab kami apal aya 4 manfaat tina eta zakat (1. Harta jalma nu zakat bakal diberkahkeun,  2. Jalma nu Zakat bakal dipikacinta ku manusa sejena, 3. Zakatna jadi hahalang antara dirina jeng seneu naraka, 4. Ku zakatna, dirina bakal  terhidar sarta disalametken tina malapetaka, jeng bencana nu bakal tba ka dirina). Kitu dina ucapna iblis ka rasulullah, salajengna nimbal ka rasulullah “hei muhamad, teu mungkin-teu mungkin umat anjeun bagja tur bahagia salila diri kaula hirup, mana mungkin kami rela umat anjeun asup surga sementara kaula jadi ahli naraka, maka ati-ati, kami bisa asup kana getih jeng aliran darah manusa,jeng demi pangeran, kami bakal terus nyasarkeun umat anjeun boh nu bodo atawa pinter, boh nu resep ibadah atawa nu tara, tapi kami moal bisa ngajak/ngagoda ka umat anjen anu ikhlas.

Hadirin Jamaah sholat Jumat rohimakumulloh

Kuayana katerangan eta maka penting pikeun urang sebagai hamba Alloh nu miharep rohmatna Alloh ngayahokeun tipu dayana musuh manusa, ku ayana faham kana ieu katerangan bisa ngajadikeun diri urang sadaya waspada anu ahirna urang bisa salamet tina eta reka.Salajengna peryogi kauninga ku sadayana rehna Alloh SWT melalui Alquran sareng lisan Rasulna tos  maparin petunjuk pikeun ngajaga diri tina tipu dayana syetan eta, nyaeta kahiji Ngajaga kaihlasan dina amal ibadah jeung dina sakabeh perbuatan. Kaduana jaga sangkan ieu kaimanan tetep kokoh,  sareng nu katiluna nyatana neda lindungan Alloh. Alloh ngadawuh

وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ

"Dimana Anjeun digoda maka prak gera neda lindungan Alloh

Kaopatna nyeeurkeun maca Al-Quranul Kariem sareng dikrullah ,Kalima: Nebihan perkara nu dipikaresep ku syetan atawa perbuatan syetan.

Mudah-mudahan Alloh nangtayungan sarta mugia urang sadaya dipaparin kakiatan,amin ya Alloh ya Robbal Alamin

بارك الله لى ولكم فى القرآن الكريم، ونفعني وإياكم بما فيه من الآيات والذكر الحكيم، وتقبل مني ومنكم تلاوته إنه هو السميع العليم. أقول قولى هذا وأستغفر الله لى ولكم ولسائر المسلمين فاستغفروه إنه هو الغفور الرحيم.