3 Sifat nu ngancurkeun Martabat,Harga Diri Manusa

اَلْحَمْدُ لِلَّهِ الَّذِيْ أَنْزَلَ عَلَى عَبْدِهِ آيَاتٍ بَيِّنَاتٍ لِيُخْرِجَ النَّاسَ بِهَا مِنَ الظُّلُمَاتِ إِلَى النُّوْرِ. وَأَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ عَلَى مُحَمَّدٍ وَعَلَى آلِهِ وَصَحْبِهِ وَسَلَّمَ. أَيـُّهَا النَّاسُ، اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ. قَالَ اللهُ تَعَالَى فِيْ كِتَابِهِ الْكَرِيْمِ، يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ ,أَمَّا بَعْدُ؛

Melalui mimbar ieu, khotib seja umajak ka sadaya, urang tingkatkeun iman kalayan taqwa sekaligus nerapkeun dina hirup sadidinten, mugia ku iman sareng taqwa eta tiasa nungtun urang ngahontal ridhona Allah swt, sholawat salam urang sangakeun ka panutan baginda alam sayidina wahabibana Muhammad saw.

Jamaah Jumah ra

Saestuna Allah swt, kacida mikaasih ka hamba-hambana, nyipta manusa dina bentuk sahade-hadena, bahkan hebatna teu aya saurang oge di dunya ieu mahluk nu persis sami, sajuta jalma nu Allah ciptakeun, sajuta rupa jalma jeung sajuta karakter nu beda Allah ayakeun, moal aya di dunya ieu hiji indung nu paliron putrana sabab hese ngabedakeunana, sadayana ku Allah diciptakeun kalayan nyandak watak,tabeat,rupa nu beda-beda,..Sadaya manusa dicipta ngagaduhan kelebihan jeung kakurangan masing-masing. Laqod Kholaqnal Insaana fii Ahsanitaqwiim.

Salian naon nu disebat nembe, Allah swt oge maparin anugrah ka manusa berupa kamuliaan, sakumaha dina Qur`an surat al-Isro 70: .....

Ayat ieu negeskeun jeung mastikeun yen teu aya hiji manusa oge nu dilahirkeun kadunya dina kaayaan hina, ku hal eta teu aya saurang oge di dunya ieu nu berhak ngahina jalma sejen, pikeun ngalengkeupan kamulyaan manusa Allah maparin Akal.

Namung sok sanajan mulya, jeung boga kamulyaan tapi tetep manusa mibanda kakurangan, jeung kelemahan, sadar atawa heunteu contoh kelemahan nu dipibanda ku manusa kabuktian ku kagodana bapa urang sadaya Adam As nu ka usir ti surge alatan kagoda setan, kitu oge dina kahirupan sapopoe, teu saalit diantara urang nu secara teu sadar ngagebruskeun dirina kana kahinaan,sabab teu mampu nahan gogoda. Salian teu mampu nahan godaan, hal sejen nu bisa ngakibatkeun manusa hina, muragkeun martabat jeung ngilangkeun kamulian diri nyaeta  Ujub atawa sombong, takabur atawa ngarasa diri mulia, Ciri sifat ujub diantarana resep muji sorangan, bari ngabandingkeun dirina jeung jalma sejen dina sagala hal,sifat ujub ningkat jadi takabur upama diri urang reuseup muji-muji sorangan dibareungan ngarendahkeun atawa ngahina ka jalma sejen,  nalika sifat ujub geus dibareungan ku sifat takabur, takabur hartina sombong, nya muji diri sorangan boh dina harta,prestasi,jabatan atawa sejena bari ngarendahkeun jalma sejen dina harti ngarasa diri paling bener, paling benghar,paling pinter jeung sejena, dua sifat ieu bakal lewih goreng nalika diri ngarasa bangga atawa ngabangga-bangga keun, ieu disebut soifat tafkhur, tilu sifat tadi nyaeta ujub-takabur jeung soifat tafakhur, tiluana oge ngarupakeun sifat nu wajib dijauhan ku hiji muslim, saupama teu diubaran maka tilu panyakit eta moal bisa leungit ti diri urang.

Ciri sifat ujub dina kahirupan sapopoe misalna urang ngucapkeun” kuring mah hebat, bisa itu bisa ieu, loba harta,boga itu, boga ieu,jst, maka ieu nandakeun yen eta jalma geus diterap ku sifat ujub. Ciri Sifat Takabur misalna urang ngucapkeun “ kuring mah hebat, harta urang lewih loba tibatan sipulan, kabisa urang lewih luhur tibatan sifulan, si fulan mah miskin, dibandingkeun si fulan amal urang lewih hade, mun teu ku urang mah, mun lain keluarga urang mah, mun teu diurus ku urang mah,atanapi  mun euweuh urang ,jst, ieu ciri ucapan manusa nu tos kaeunteupan sifat takabur. Ciri sifat Soifat Tafakhur sifat nu lewih luhur tibatan ujub jeung sombong misalna urang ngucapkeun “ anjeun moal bisa nurutan urang, atanapi ngucap masing kumaha oge anjeun moal bisa nyaingan urang, jst…

Hiji manusa nu katerap tilu sifat tadi, atawa bersikap  tadi,kituna teh boga maksud sangkan dirina lewih mulya, lewih terhormat, padahal  mun manusa bersikap saperti eta, bertindak siga eta, ucap-ucapana siga eta, sadar atawa teu sadar bakal nungtun dirina kana kahinaan, muragkeun martabat jeung harga dirina, sabab sepanjang sejarah di dunya misalna Fir’aun nu sombong atawa namrudz nu takabur dua-duana oge sama-sama jadi jalma-jalma ancur jeung dihinakeun.,

maka ku hal eta hadirin, sok sanajan sagede siki sawi, sifat sombong/ataakbur nu aya dina hate, pasti ngakibatkeun goreng kadiri urang nyalira,beh dituna ka keluarga,ka turunan jeung ka lingkungan nu aya di sabudeureun urang,  saha-saha oge nu dina hatena aya binih-binih sifat sombong  niscaya moal dipaparin izin ku Allah ngangseu surga kantenan asup ka surga.

Alit kantenan ageung sifat ujub-takabur nu aya dina diri urang, awal atawa akhir  bakal ngakibatkeun lingkungan atawa jalma lian, benci ka urang, ngewa ka urang jeung sikap antipati ka diri urang, naha terang-terangan atawa susulumputan, lain bae manusa lain nu bakal benci ka urang pama urang ujub-simbong,  bahkan Allah swt oge jelas-jelas teu reuseup ka hamba-hambana nu sombong. An-Nahl 23 nyebatkeun:

Sagedeungan eta, Allah ge nuduhkeun naraka jahanam pikeun jalma-jalma nu takabur ku dawuhana :

Jug geura arasup melalui panto-panto jahanam, sabab eta tempat jeung pangbailikan jalma-jalma nu sombong.Sifat sombong datangna saalit demi salit, bahkan diri ge teu ngarasa geus kaeunteupan sifat sombong, maka teubihkeun sifat-sifat tadi cukup iblis jeung syetan la’natulloh wungkul nu boga eta sifat,.

Hadirin Jamaah Jumah ra

Sateuacan urang tutup ieu khutbah, Maka landing/ubar tina tilu sifat tadi nyaeta:

1.      Sing uninga akibat mun diri urang ujub/takabur nyeta batur bakal antipsti ka urang, ngewa jeung  benci ka urang, lain bae saurang tapi bisa jadi salembur, lain bae ka diri urang tapi ka keluarga, turunan jeung lingkungan,

2.      Kedah sieun ku dahsatna siksa naraka,sabab diantarana naraka jahanam dicadangkeun jang jalma nu sombong.

3.      Emut-emut bahwa jalma ujub-sombong moal asup surga, sabab Allah teu ridho, jeung Allah ngewa.

4.      Pimilik sikap Tawadhu, nyeta sikap rendah hati, tawadhu lain ngarendahkeun diri, tawadu moal nyebabkeun diri hina, tapi sabalikna, tawadhu nyaeta sikap mulya, oge sing terang yen perkara harta,pangkat,jabatan,kabisa jsb teu kudu dibeja-beja sabab jalma sejen ge geus bisa nganilai, geus bis ngukur jst, jalma miskin bari tawadu Allah cinta, jalma benghar tawadhu Allah lewih cinta, Jalma benghar sombong Allah benci, jalma miskin sombong Allah lewih benci.

Tawadhu hartina ngahindari sifat ujub, miceun sifat takabur jeung ngilangkeun soifat tafakhur. 3 ciri diri nu tawadhu nyaeta 1) nalika diri teu ngarasa bisa padahal dirina loba kabisa, teu ngarasa pinteur padahal dirina lewih pinter, teu ngarasa benghar padahal batur oge apal benghar,. 2). Teu nganggap jalma lian lewih rendah tibatan dirina, lewih miskin , lewih rendah dibanding dirina. 3). Dirina moal berlebihan boh dina sikapna,caritaana,jsb, estuning sederhana sok sanajan dirina mampu, jeung eta sadaya dilakukeun semata-mata sabab tunduk jeung taat ka Allah swt.

Mugia Allah, nebihkeun diri urang tina sifat ujub,takabur, Soifat tafakhur,

amin ya robbal alamin.

 جَعَلَنَا اللهُ وَاِيَّاكُمْ مِنَ اْلمُؤْمِنِيْنَ اْلكَامِلِيْنَ وَاَدْخَلَنَا وَاِيَّاكُمْ فِى زَمْرَةِ النَّاجِحِيْنَ.

 وَاسْتَغْفِرُوْهُ اِنَّهُ هُوَ اْلغَفُوْرُ الرَّحِيْمُ.

Jum'at, 1 Nop 2013 By ifiksf..