10 Panyakit Hate

اَلْحَمْدُ لِلَّهِ الَّذِيْ كَانَ بِعِبَادِهِ خَبِيْرًا بَصِيْرًا، تَبَارَكَ الَّذِيْ جَعَلَ فِي السَّمَاءِ بُرُوْجًا وَجَعَلَ فِيْهَا سِرَاجًاوَقَمَرًا مُنِيْرًا. أَشْهَدُ اَنْ لاَ إِلَهَ إِلاَّ اللهُ وأََشْهَدُ اَنَّ مُحَمَّدًا عَبْدُهُ وُرَسُولُهُ الَّذِيْ بَعَثَهُ بِالْحَقِّ بَشِيْرًا وَنَذِيْرًا، وَدَاعِيَا إِلَى الْحَقِّ بِإِذْنِهِ وَسِرَاجًا مُنِيْرًا. اَللَّهُمَّ صَلِّ عَلَيْهِ وَعَلَى آلِهِ وَصَحْبِهِ وَسَلِّمْ تَسْلِيْمًا كَثِيْرًا. أَمَّا بَعْدُ؛

Sagala puji  kangge Allah SWT, Robb Pangeran nu disembah diibadahan, nu agung nu nyiptakeun sarta nu ngatur ti kawit urusan alit digi urusan ageung, sesuai takdir  sareng aturan Allah,Shalawat miwah salam terlimpah ka baginda rasulullah saw.

Khotib wasiat ka diri pribadi oge kahadirin sumangga urang berusaha secara maksimal ngalakukeun sagala parentah na sarta berupaya secara maksimal nebihan larangana,… taqwa sareng taqwa ngarupakeun hal penting, tug dugika 50 kali Allah ngulang dina Kitabullah,..ieu nunjukkeun yen taqwa memang penting sabab ngan ukur ku cara taqwa manusa bisa bagja di dunya oge di aherat..

Hadirin..

Saupama urang apal, yen bekel nu bisa nyalametkeun urang di akherat jaga nyeta ngan ukur amal nu didasaran ku ikhlas.., Ibadah teu jadi ibadah mun teu kena kana 2 syarat.. 1. Ibadah kudu ihlas karena Allah 2). Ibadah kudu bener sesuai petunjuk rasulullah.

Maka wajar tur payus, upama urang bisa ngajaga kasucian hate sangkan ikhlas , hate nu teu suci, hate nu teu bersih teu aya nilai di payunen Allah SWT,

Nu langkung bahaya nyaeta hate nu dianteup kotor, hate nu kaeunteupan panyakit hate, ari panyakit hate memang teu katingali tapi dampakna bisa ngakibatkeun kana gering na fisik. dua akibat jalma nu mibanda ieu panyakit nyaeta, dimana mibanda hiji elmu, Elmuna teu ngajadikeun lewih deket ka Allah, kadua dina ibadahna oge moal matak ngajadikeun khusu, beh dituna ikhlas.

Maka tebihan panyakit hate, sabab hate nu kotor  bakal ngajadikeun lalai ka Allah. Hate nu lalei bakal ngalaworakeun parentah Allah, Ancaman Allah teu ngajadikeun hatena sieun,Jangjina Allah teu ngajadikeun haying ngamalkeun parentah Allah, hate nu lalei tara pernah daek mikirkeun maot, tara pernah mikirkeun kahirupan alam barzah jeung alam akherat,..poe demi poe teu dijadikeun tambahna amal tapi justru nambahna dosa demi dosa jeng maksiat.

Hadirin

Salah sawios ulama nu jenengan Ibrahim Bin Adhom, ditaros ku penduduk bagdad di Irak, saestuna eta kaum sok sering ngadu’a tapi saolah-olah du’ana tara pernah dikabul ku Allah SWT, ieu ulama ngawaler yen nu jadi sabab teu dikabulkeuna du’a eta kusabab ayana 10 panyakit hate nyaeta :

1. Anjeun ngaku ka Allah sebagai Robb, nu wajib disembah+diibadahan tapi anjeun teu daek tunduk sarta patuh ka Allah SWT, anjeun teu ngalaksanakeun parentahna malah anjeun ngalanggar sakur nu dilarang Allah)
2. Anjeun osok maca qur’an, tapi anjeun teu daek ngamalkeun eusina Al-Quran.
3. Anjeun nyaho yen syetan the musuh aranjeun tapi anjeun kalah nuturken sarta jadi babaturan syetan.
4. Anjeun ngucapkeun yen anjen cinta ka rasulullah, tapi anjeun ninggalkeun sunah-sunahna sarta akhlak nu dicontokeun ku rasulullah.
5. Anjeun ngadua hayang asup ka surga, tapi anjeun tara daek migawe amal sangkan bisa asup surge.
6. Anjeun ngadu’a neda sangkan di tangtayungan tina siksa naraka, tapi anjeun tara ereun migawe dosa.
7. Anjeun nyaho yen ajal bakal tiba,jeng anjeun apal yen masing-masing bakal kena ku ajal, tapi anjeun tara pernah mempersiapkeun diri sarta teu pernah mikirkeun kakurangan diri dina amal-amal anjeun.
8. Anjeun sibuk ngomongkeun tatangga anjeun, tapi anjeun teu mikirkeun kakurang diri anjeun sorangan.
9. Anjeun menang rijki sarta dirijkian ku Allah SWT, tapi anjeun teu pernah syukur kanu mere rijki ka aranjeun.
10. Anjeun ngurebkeun mayit dulur anjeun sorangan, tapi anjeun teu ngajadikeun eta sebagai hiji pelajaran. 

kumargi eta hadirin,...

Dosa jeng maksiat bakal moekkeun hate urang sadaya, sapantesna urang enggal sadar sarta taubat, neda dibukakeun pintu rahmat ku cara istigfar, amal nu dirasa kurang hade enggal omean, tinangtu Allah bakal ngarobih kaayaan urang, Sing saha nu asih ka sasama, maka Allah baka ngangkat darajat eta hamba, jalma nu tulung tinulung ka jalma fakir+miskin, tinantu Allah ngaberkahkeun rijkina,Sing saha nu nyaah  ka jalma sejen, maka Allah nyaah tur asih ka eta hamba, tapi Sing saha nu dholim kanu lian, Allah bakal ngancurkeun ka eta hamba,tebihan sifat sombong, iri dengki,sareng sajabina sabab eta sadaya bakal ngakibatkeun kasusah jeng kasangsaraaan pikeun jalma nu migawena

Oge tebihan 10 panyakit hate anu nembe, sarta jadikeun hiji pelajaran pikeun diri urang masing-masing, Upama hate urang bersih, maka terus jaga oge piara, saupama hate ngarasa kotor sarta rumasa mibanda panyakit, maka enggal tobat, Saestuna Allah teu pernah nutup kana pintu taubatna, jeung sakumaha bae kaayan hate urang ayeuna “urang neda kanu maha kawasa, sangkan dipaparin hate nu senantiasa bersih suci pikeun bekel urang menghadap ka mantena, Amin Ya Robbal Alamin.

بارك الله لى ولكم فى القرآن الكريم،