5 Resep Cintana Allah SWT

Khutbah Jum’at, 10 mei 2013

Masjid Jamie Nurul Falah Banyuresmi Gununghalu

لْحَمْدُ لِلَّهِ الَّذِيْ أَنْزَلَ عَلَى عَبْدِهِ آيَاتٍ بَيِّنَاتٍ لِيُخْرِجَ النَّاسَ بِهَا مِنَ الظُّلُمَاتِ إِلَى النُّوْرِ. َأَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ

مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ عَلَى مُحَمَّدٍ وَعَلَى آلِهِ وَصَحْبِهِ وَسَلَّمَ. أَيـُّهَا النَّاسُ، اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ. قَالَ اللهُ تَعَالَى فِيْ كِتَابِهِ الْكَرِيْمِ، يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ ,أَمَّا بَعْدُ؛

Maasyirol muslimin jamaah Jum’ah rohimakumullah

Urang, salaku muslim, mu’min sakedahna cinta Allah oge senantiasa berusaha sangkan Allah cinta ka diri urang, Allah ngadawuh Walladinna Amanu asadu hubballillah, ari jalma-jalma nu Iman eta kacida cinta ka Allah swt. Maka timbul pertarosan Kumaha carana sangkan urang  cinta ka Allah oge kumaha carana  sangkan Allah swt mikacinta diri urang.

Para Ulama nerangkeun yen, aya 5 sabab nu ngadatangkeun cintana Allah ka urang jeng ngajadikeun diri urang cinta Allah, maka :

kahiji sangkan Allah cinta ka urang oge urang cinta ka Allah nyaeta Qiro’atul Qur’an bitadabur, Maca qur’an bari neuleuman eusina/berusaha sangkan faham kana makna atawa hartina saterusna difahami/dihayati/diteuleuman/ditafakuran.

La’an Aqroa surotan minal quran warotiluha ahabba ilaya min qiroatul quran kuluhu, Maca quran sasurat bari difahami eusina eta lewih dipikacinta tibatan maca quran sakabehna bari gurung gusuh..teu tartil teu ditafakuran eusina.. Maka usahakeun sangkan tiap dinten urang teu kakantun maca quran, naha sazuz/satengah zuj/sahalaman/sasurat/saayat, paksa diri urang sangkan istiqomah maca qur’an. Qur’an ngarupakeun obat lahir jeng bathin nu tos teruji jeng terbuti jadi ubar pikeun jasmani atawa ruhani, hate sumpek teras maca qur’an pasti ilang sumpekna jeng sajabina. Jalma nu maca quran moal rugi sabab maca quran ibarat hiji perdagangan nu hebat, sabab tiap dibaca sahurufna, Allah nabales ku 10 kasaean sarta ngalipet gandakeun pahala tina maca quran.Maka nalika urang maca quran,kalamulloh nandakeun urang cinta ka Allah sarta Allah mikacinta diri urang.

      kadua sangkan urang tiasa cinta ka Allah oge Allah cinta ka diri urang nyarta Attaqorurrubi Illaloohi taala binawaafili ba’dal farooidi.

Ngadeketkeun diri ka Allah Taala ku cara ngalakukeun amalan-amalan sunah saberesna ngalaksanaken amal-amal nu wajib,saperti Sholat fardu nu 5 kali dina sadinten sawengi, diadegkeun kalayan sahade-hadena terus ditambah disampurnakeun ku sholat-sholat sunat. sholat wajib disampurnakeun ku sholat sunat, naha sholat rawati, sholat dluha jeng sejena,nalika dilakukeun niscaya Allah cinta ka urang, kitu deui saberesna ngalaksanakeun Puasa wajib romadhon, ditambah ku ngalaksanakeun puasa-puasa sunat,misalna puasa nabi dawud,puasa senen kemis atawa puasa sunat sejena, ngaluarkeun Zakat nu wajib ditambah ku infak sodakoh, maka sumangga laksanakeun sabab pasti Allah mikacinta ka hamba nu ngalakukeun eta perkara.

katilu sangkan dipikacinta Allah sarta urang cinta Ka Allah nyaeta Dawaamu dikrihi ala kulli haal, nyebut-nyebut asmana Allah, inget Allah, Dikrulloh dina sagala kondisi.

Dzikir ka Allah-nyebut-nyebut asmana Allah..ku lisan urang, ku hate jeng ku padamelan,  inget Allah dina sagala kondisi atawa situasi,naha dina padamelana,hatena atawa sejena, intina usahakeun sangkan urang senantiasa inget Allah., naha keur susah atawa bungah, jalma nu keur mikacinta pasti sering nyebut-nyebut nu dipicintana.Ari dzikir ngarupakeun amalan ringan,tanpa modal, hiji amalan nu singkat tapi fadilahna bisa ngunggulan amalan utama sejena, bahkan ku cara dzikir ka Allah, nyebut asmana Allah, sakabeh hate pasti jadi ngarasa damai jeng tenang..hamba nu senantiasa inget ka Allah tos pasti taat ka Allah, parentahna dilaksanakeun, larangana ditebihan, hamba nu inget Allah nandakeun dirina cinta ka Allah, sarta Allah oge cinta ka eta hamba.

kaopat sangkan urang cinta ka Allah oge Allah cinta ka urang nyaeta I’saaru mahaaabihi alaa mahaabik inda gholabati hawa’  

Ngutamakeun perkara nu lewih dipikacinta ku Allah daripada perkara nu dipicinta ku urang, nalika hawa nafsu ngawasa diri urang.. mayunkeun hakna Allah tibatan kareusep.hiji waktu mungkin urang di mayunan hiji perkara nu keur dipikaresep ku urang, terus dina eta waktu dongkap nu dipicinta Allah mak nu lewih utama dilakukeun ku urang nyaeta mayunkeun perkara nu allah cinta kana eta perkara eta nandakeun yen diri urang dipikacinta ku Allah sarta urang cinta ka Allah,..   

kalima sangkan dipikacinta ku Allah jeng urang cinta ka Allah nyaeta Musyahadatu birrihi wa ihsaanihi dhoohiroh wal baathinah.. hatosna Nitenan sagala kasaean nu dongkap ti Allah/nyaksian anugrah ti Allah/nafakuran jeng nginget-nginget nikmat-nikmat nu dilungsurkeun Allah ka diri urang boh nikmat dohir atawa nikmat bathin. Urang nyaksian yen Allah Taala teu perna liren ngalungsurkeun nikmat demi nikmat  boh nikmat dhohir atawa nikmat bathin ka diri urang, sok padahal secara sadar urang terus-terusan migawe dosa ka Allah, secara terang-terangan migawe amal nu nagadatangkeun benduna Allah, tapi Allah teu bosen-bosen teras ngarijkian, teras maparin nikmat. Diantara nikmat nu agung nu dilungsurkeun Allah ka urang nyaeta nikmatul Iman wal Islam, wassunah, wa ilmun nafi’ wassihah.

Nikmat Iman nikmat Islam mangrupa nikmat nu agung sementara seuer diantara manusa nu nyeleweng tina sunah oge syariatna, Alhamdulillah Allah ngajadikeun urang sebagai muslim,Allah ge ngajanteunkuen urang umat nu tumut kana sunahna rasulullah, Allah maparin Elmu nu manfaat nu ngarupakeun nikmat nu agung, Allah oge maparin nikmat sehat badan oge ngarupakeun  nikmat nu agung,..

Diantara nikmat-nikmat aya dua nikmat nu sok disapirakeun, disepelekeun ku manusa nyaeta kasehatan jeng kasempatan atawa waktu luang,.. karasana nikmat sehat nalika nandangan kasakit, soca jeng paningalna, cepil jeng pangdanguna, kalebet jantung jeng fungsina, upama salah sahijina ruksak pasti urang sanggup nyeepkeun harta sabaraha bae sangkan bisa normal deui atawa sehat deui, padahal eta sadayana dipaparinkeun ku Allah ka urang secara gratis,..mung kadang urang hilap jeng nyapirakeun kana eta nikmat, maka upama tiasa nafakuran bari nginget-nginget kana eta nikmat Allah, anugerah/karunia  Allah.. Insya Allah urang bakal cinta Allah oge pasti Allah aja wajala mikacinta diri urang. 

Maasyirol muslimin jamaah Jum’ah rohimakumullah

Rupina kitu katerangan Al-Alamah Al Imam Ibnu Qoyyim dina kitabna Madarijusalikin ngenaan 5 sabab nu ngadongkapkeun cintana Allah nyaeta Maca qur’an bari berusaha faham eusina-ngalakukeun amalan sunah saberesna nu wajib- Dikir/inget Allah dina sagala situasi jeng kondisi-Ngutamakeun nu lewih dipicinta Allah daripada karesep hawa nafsu sarta senantiasa Nginget-nginget sagala nikmat Allah ka diri urang, “Pamin hadihil asbbabil asroh wasollal muhibbuuna ila manajilil mahabah nya Ku 5 sabab nu ieu jalma-jalma nu cinta ditepikeun kana darajat hamba nu benet-bener  cinta ka Allah swt. Mudah-mudahan, urang dipaparin kakiatan sangkan berusaha ngadongkapkeun cintana Allah ka diri urang,  Amin ya Robbal Alamin.

أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

اَلْحَمْدُ لِلَّهِ وَالصَّلاَةُ وَالسَّلاَمُ عَلَى رَسُوْلِ اللهِ، وَلاَ حَوْلَ وَلاَ قُوَّةَ إِلاَّ بِاللهِ.وَأَشْهَدُ أَنْ لاَ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ. مَعَاشِرَ الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، أَمَّا بَعْدُ؛ اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ ،  إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ, رَبَّنَا اغْفِرْ لَنَا وَلِوَالِدِيْنَا وَاْرحَمْهُمَا كَمَا رَبَّيَانَا صِغَارًا. رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُونَا بِالإِيْمَانِ وَلاَ تَجْعَلْ فِي قُلُوبِنَا غِلاًّ لِلَّذِيْنَ ءَامَنُوْا رَبَّنَآ إِنَّكَ رَءُوفُ رَّحِيْمٌ، رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَآ ءَاتِنَا فِي الدُّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النَّارِ. وَصَلَّى اللهُ عَلَى مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. وَالْحَمْدُ لِلَّهِ رَبِّ الْعَالَمِيْنَ .

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. وَلَذِكْرُ اللهِ أَكْبَرُ. أَقِيْموُاالصَّلآة !